कविता : डॉक्टर देव [ प्रशांत पाटील, सोलापूर ]

डॉक्टर देव

कोरोनाचं भय आता

मनामनात भरलं आहे

नातेवाईक मित्रमंडळींना

संशयानं घेरलं आहे !

सख्खा असो रक्ताचा असो

संपर्क नाही ठेवत कोणाशी

पण जात धर्म ठेवून बाजूला

डॉक्टरंच उभा पाठीशी !

कोरोनाचं युद्ध आता

समोरासमोर सुरु आहे

युद्धाचे पहीले सैनिक

डॉक्टर नर्स हेच आहेत!

मृत्यूच्या दाढेत जाऊन

देशवासीयांना वाचवतायत

स्वार्थाचा विचार नाही

कर्तव्याला जागतायत !

त्यांनाही आहे कुटुंब

तितक्याच जीवाभावाचं

चीवीस तास कोरोनासोबत

काय होत असेल मनाचं ! 

पैसा आडका ऐश्वर्य

सगळंच यथायोग्य आहे

पण कर्तव्य आणि निष्ठेसमोर

सारं काही नगण्य आहे !

काय असेल मनस्थिती

यांच्या कुटुंबियांची

उलट सुलट विचार मनात

टांगती तलवार संसर्गाची !

कोरोनाच्या हल्ल्यानं

आम्ही रमतोय कुटुंबात

वैद्यकीय सेवा देणारे मात्र

रोज यमाराजाशी लढतात !

देवासारखा धाऊन आलास

ही म्हणण्याची रीत आहे

कोरोनातून वाचण्यासाठी मात्र

आता डॉक्टरच देव आहे !

देशवासीयांच्या रक्षणासाठी

आयुष्य लावत आहेत पणाला

नक्की परतवणार दुष्ट कोरोना

दंडवत निस्वार्थ कर्तव्याला !!

प्रशांत पाटील, सोलापूर

९४२२०६६२९१