आम्ही अजितदादांना मारलंय, तुम्ही तर किरकोळ लोक आहात!’ - Katusatyanews.com :

Subscribe Us

Breaking

Home Top Ad

Post Top Ad

Tuesday, November 17, 2026

आम्ही अजितदादांना मारलंय, तुम्ही तर किरकोळ लोक आहात!’

 आम्ही अजितदादांना मारलंय, तुम्ही तर किरकोळ लोक आहात!’




रोहित पवारांचा खळबळजनक आरोप; राणा सूर्यवंशीशी संबंधित महिला,
YZ प्रकारच्या राणा सुर्यवंशी ला Y+ सुरक्षा..?

मुंबई (कटूसत्य वृत्त) : राज्याचे दिवंगत उपमुख्यमंत्री अजित पवार यांच्या अपघाताचा मुद्दा उपस्थित करून सातत्याने प्रश्न विचारणारे आमदार रोहित पवार यांनी आता बारामती परिसरातील अनिता नामक महिलेच्या धमकीचा धक्कादायक गौप्यस्फोट केला आहे. 'आम्ही उपमुख्यमंत्री अजितदादा पवार यांना मारलं आहे, तुम्ही तर खूप किरकोळ लोक आहात,' अशा शब्दांत अनिता नावाच्या महिलेने धमकी दिल्याचा आरोप रोहित पवार यांनी पत्रकार परिषदेत केला. या महिलेचे राणा सूर्यवंशी यांच्याशी संबंध असल्याचा दावाही त्यांनी केला. त्यामुळे या संपूर्ण प्रकरणाला नवे वळण मिळण्याची शक्यता निर्माण झाली आहे.

रोहित पवार यांनी केलेल्या आरोपांनुसार, संबंधित महिला स्वतःची महिला बाउन्सर कंपनी चालवते. खोटे तक्रारदार उभे करणे, पोलिसांवर दबाव आणून खोट्या केसेस दाखल करण्याचा प्रयत्न करणे आणि त्यातून खंडणी उकळणे, अशा प्रकारचे गंभीर आरोप या महिलेवर करण्यात आले आहेत. इतकेच नव्हे, तर तक्रार देण्यासाठी पुढे येणाऱ्या लोकांनाही ती धमकावत असल्याचा दावा रोहित पवार यांनी केला आहे.

विशेष म्हणजे, या महिलेचा संबंध बारामतीचं नाव बदनाम करणार्या व YZ प्रकारच्या राणा सूर्यवंशी याच्याशी आणि महिला आयोगाशीही तिचे संबंध असल्याचे रोहित पवार यांनी सांगितले. या पार्श्वभूमीवर वादग्रस्त उद्योजक राणा सुर्यवंशी याला नेमके कोणाच्या शिफारशीवरून आणि कोणत्या निकषांच्या आधारे Y+ दर्जाची सुरक्षा देण्यात आली होती, असा सवाल त्यांनी उपस्थित केला. वादग्रस्त आरोपांच्या भोवऱ्यात असलेल्या व्यक्तीला एवढ्या उच्च दर्जाची सुरक्षा का देण्यात आली, याचीही चौकशी झाली पाहिजे, अशी भूमिका त्यांनी मांडली.

अजितदादांच्या अपघाताशी काही संबंध आहे का?

'आम्ही अजितदादा पवार यांना मारलं आहे,' असे धमकीत म्हटल्याचा दावा साधा किंवा दुर्लक्ष करण्यासारखा नाही. या विधानामागे नेमका काय संदर्भ आहे? संबंधित महिलेने हे शब्द कोणत्या आधारावर वापरले? तिचा राणा सूर्यवंशी यांच्याशी नेमका काय संबंध आहे? या सर्व प्रश्नांची उत्तरे पोलिसांनी शोधली पाहिजेत, अशी मागणी रोहित पवार यांनी केली.

राणा सूर्यवंशी प्रकरण आणि अजित पवार यांच्या अपघाताचा काही संबंध आहे का, याबाबत संशय निर्माण होत असल्याचेही त्यांनी नमूद केले. त्यामुळे केवळ संशयावर न थांबता संबंधित व्यक्तींचे संपर्क, व्यवहार, धमकीमागील पार्श्वभूमी आणि उपलब्ध पुरावे यांची सखोल चौकशी होणे आवश्यक आहे.

Y+ सुरक्षा नेमकी कोणासाठी आणि कशासाठी?

Y+ सुरक्षा ही केवळ प्रतिष्ठेची बाब नसून सार्वजनिक पैशातून दिली जाणारी महत्त्वाची सुरक्षा व्यवस्था आहे. त्यामुळे एखाद्या व्यक्तीला ही सुरक्षा देताना कोणत्या धोक्याचे मूल्यमापन करण्यात आले, कोणत्या यंत्रणेने शिफारस केली आणि त्यामागे नेमके कोणते निकष होते, याची माहिती समोर येणे गरजेचे आहे. रोहित पवार यांनी उपस्थित केलेल्या आरोपांच्या पार्श्वभूमीवर या सुरक्षा व्यवस्थेच्या निर्णयाचीही निष्पक्ष तपासणी व्हावी, अशी मागणी पुढे येत आहे.

अजित पवार यांच्या अपघाताबाबत उपस्थित होणारे प्रश्न, राणा सूर्यवंशी यांच्याशी संबंधित आरोप, महिलेने दिल्याचा दावा करण्यात आलेला धमकीचा इशारा आणि Y+ सुरक्षेचा मुद्दा या सगळ्यांची स्वतंत्रपणे तसेच परस्परसंबंधांच्या दृष्टीने तपासणी होणे आवश्यक आहे.

धमकी खरी की दबावाचे राजकारण? आरोपांची सत्यता तपासातूनच स्पष्ट होणार!

एखादी व्यक्ती कितीही प्रभावशाली असली तरी कायद्यापेक्षा मोठी असू शकत नाही. धमकी देण्यात आली असेल, खोट्या तक्रारी दाखल करण्यासाठी दबाव आणला असेल किंवा खंडणी उकळण्याचा प्रयत्न झाला असेल, तर संबंधितांवर कठोर कारवाई झाली पाहिजे. त्याचवेळी अजित पवार यांच्या अपघाताशी संबंधित असल्याचा संशय व्यक्त केला जात असेल, तर त्या दाव्याचीही पुराव्यांच्या आधारे चौकशी झाली पाहिजे.

रोहित पवार यांनी पत्रकार परिषदेत केलेले आरोप आता पोलिसांसमोर नवे प्रश्न उभे करणारे आहेत. संबंधित महिलेची भूमिका, राणा सूर्यवंशी यांच्याशी असलेले संबंध, Y+ सुरक्षा देण्यामागील कारणे आणि धमकीच्या विधानाचा नेमका अर्थ यांचा तपास यंत्रणांनी छडा लावणे गरजेचे आहे. अन्यथा या प्रकरणातील संशयाचे धुके अधिकच गडद होत राहील.

No comments:

Post a Comment

Post Bottom Ad

Pages