बी. नारायणा फाऊंडेशनच्या वतीने विद्यार्थ्यांना मोफत वह्या व खाऊ वाटप
.png)
कार्यक्रमाची सुरुवात प्रमुख पाहुणे बी. नारायणा फाऊंडेशनचे संस्थापक अध्यक्ष शंकर बटगिरी यांच्या हस्ते भारतमातेच्या प्रतिमेचे पूजन करून करण्यात आली. त्यानंतर कार्यक्रमाच्या अध्यक्षस्थानी असलेल्या शाळेच्या मुख्याध्यापिका मुलींटी मॅडम यांच्या हस्ते ध्वजारोहण करण्यात आले. ध्वजारोहणानंतर उपस्थितांनी राष्ट्रध्वजाला मानवंदना देत राष्ट्रगीत गायले.
स्वातंत्र्यदिनाचे औचित्य साधून बी. नारायणा फाऊंडेशनच्या वतीने शाळेतील विद्यार्थ्यांना मोफत वह्यांचे तसेच खाऊचे वाटप करण्यात आले. या उपक्रमामुळे विद्यार्थ्यांमध्ये आनंदाचे वातावरण निर्माण झाले. शैक्षणिक साहित्याच्या माध्यमातून विद्यार्थ्यांना प्रोत्साहन देण्याचा फाऊंडेशनचा हा उपक्रम उपस्थितांनी कौतुकास्पद असल्याचे सांगितले.
यावेळी प्रमुख पाहुणे शंकर बटगिरी यांनी विद्यार्थ्यांना मार्गदर्शन केले. “विद्यार्थ्यांनी मन लावून चांगले शिक्षण घ्यावे. भविष्यात देशाचे सशक्त, सुशिक्षित आणि जबाबदार नागरिक बनून देशाचे नाव जागतिक स्तरावर सुवर्ण अक्षरांनी कोरावे,” असे आवाहन त्यांनी केले. शिक्षणाच्या माध्यमातून व्यक्तिमत्त्व विकास साधत देशाच्या प्रगतीमध्ये योगदान देण्याची जबाबदारी विद्यार्थ्यांनी स्वीकारावी, असेही त्यांनी सांगितले.
स्वातंत्र्यदिनानिमित्त शाळेच्या परिसरात उत्साहाचे वातावरण होते. विद्यार्थ्यांमध्ये देशभक्तीची भावना निर्माण व्हावी, तसेच स्वातंत्र्यलढ्यातील शूरवीरांच्या त्यागाची जाणीव व्हावी, या उद्देशाने कार्यक्रमाचे आयोजन करण्यात आले होते.
कार्यक्रमास शाळेचे मुख्याध्यापक संतोष कुमार घोडके, मुख्याध्यापक विश्वास गजभार, शिक्षक व शिक्षकेतर कर्मचारी, बी. नारायणा फाऊंडेशनचे राहूल गड्डम, निखिल बटगिरी, पालक तसेच विद्यार्थी मोठ्या संख्येने उपस्थित होते. कार्यक्रमाच्या यशस्वी आयोजनासाठी शाळेतील शिक्षक व शिक्षकेतर कर्मचाऱ्यांनी परिश्रम घेतले.
.jpeg)
No comments:
Post a Comment