प्रभाग " सहा " मध्ये कमळाची लाट ! सुपर संडे पदयात्रेमध्ये लाडक्या बहिणींची रेकॉर्डब्रेक गर्दी ! आमदार विजयकुमार देशमुख यांच्या लक्षवेधी सहभागाने नवचैतन्य !

 प्रभाग " सहा " मध्ये कमळाची लाट ! सुपर संडे पदयात्रेमध्ये लाडक्या बहिणींची रेकॉर्डब्रेक गर्दी ! 

आमदार विजयकुमार देशमुख यांच्या लक्षवेधी  सहभागाने नवचैतन्य !  

=================

सोलापूर (कटूसत्य वृत्त):- सोलापूर महानगरपालिका निवडणुकीच्या पार्श्वभूमीवर प्रभाग क्र. ६ मधील भाजप उमेदवारांच्या प्रचारार्थ रविवारी काढण्यात आलेल्या रॅलीमध्ये कमळाची मोठी लाट उसळली होती. भाजपचे पॅनल प्रमुख आणि उमेदवार गणेश वानकर ,सुनील खटके,मृण्मयी गवळी आणि सोनाली गायकवाड या उमेदवारांच्या प्रचारार्थ निघालेल्या पदयात्रेच्या प्रारंभी मरीआई चौकातील गवळी वस्ती कामगार नवरात्र महोत्सव मंडळाच्या शक्तिदेवीची पूजा करून आणि आशीर्वाद घेऊन वाजतगाजत मोठ्या जल्लोषात पदयात्रेला प्रारंभ झाला. भाजपचे सर्व उमेदवार एका उघड्या जीपमध्ये विराजमान झाले होते. जय श्रीराम,जय भवानी जय शिवाजी,भारतीय जनता पार्टीचा विजय असो,पंतप्रधान नरेंद्र मोदी ,मुख्यमंत्री देवेंद्र फडणवीस तुम आज बढो,हम तुम्हारे साथ है च्या घोषणांनी परिसर दणाणून गेला होता. " काय बोलणार विकास बोलणार " या गगनभेदी घोषणा सर्वांचे लक्ष वेधून घेत होत्या.

   या रॅलीमध्ये भाजपचे पदाधिकारी ,कार्यकर्ते,गवळी वस्ती,बांध वस्ती,दमाणी नगर,गडदर्शन सोसायटी,सोनी सिटी,सन सिटी,आवसे वस्ती आमराई,क्रांती नगर,वाय चौक,देशमुख पाटील वस्ती,जानकर नगर,शेटे वस्ती,गंगा नगर,लक्ष्मी विष्णू मिल चाळ ,थोबडे वस्ती,हब्बू वस्ती,थोबडे मळा , देगाव,कोयना नगर,सर्व तांडे या ठिकाणाहून हजारो मतदार तसेच मित्रपरिवार ,लाडक्या बहिणी युवा मतदार मोठ्या संख्येने सहभागी झाला होता. लाडक्या बहिणींची संख्या मोठ्या प्रमाणात होती . गळ्यात भाजपचे व सर्वधर्मीय उपरणे ,छातीवर कमळाचा बिल्ला घातलेले भाजपचे सर्व उमेदवार पदयात्रेदरम्यान सर्वांना हात जोडून नमस्कार घालत असलेले चित्र ठिकठिकाणी पहावयास मिळाले. तर कार्यकर्ते आणि लाडक्या बहिणींच्या हातात पक्षाचे झेंडे,डोक्यावर भाजपाची टोपी,हातात बॅनर होते. प्रभागातील सर्व नगरे,वस्त्या,सोसायटी आदी भागांमधून वाजत गाजत पदयात्रा काढण्यात आली .पदयात्रेमध्ये ठीकठिकाणी सर्व उमेदवारांचे औक्षण करण्यात येऊन त्यांना आशीर्वाद व शुभेच्छा देण्यात येत होत्या . अनेकांकडून पुष्पहार घालून तसंच पुष्पगुच्छ देऊन आणि पेढे भरवून उमेदवारांचे स्वागत करण्यात येत होते. 

   आपण केलेल्या विकास कामाची पावती आपणास सुज्ञ मतदार राजा भरघोस मतदानाच्या रूपाने देईल ,तसेच लाडक्या बहिणी आपल्या पाठीशी ठामपणे उभ्या राहतील ,असा विश्वास भाजपचे पॅनल प्रमुख गणेश वानकर यांनी यावेळी व्यक्त केला.पदयात्रेला युवकांचा तसेच लाडक्या बहिणींचा उदंड प्रतीसाद मिळाला. 

  या रॅलीमध्ये पाणीवेस तालीम संघाचे संस्थापक चंद्रकांत वानकर, ज्येष्ठ नेते प्रकाश वानकर, महादेव गवळी,बाळासाहेब घुले,माजी नगरसेविका सुनिता कारंडे,मंगलताई वानकर ,औदुंबर जगताप,विजय घुले,किरण वाघमोडे, बालाजी चराटे,दत्तात्रय वानकर ,अर्जुन गायकवाड,विजय वानकर,लखन कारंडे,भीमा गायकवाड,विजय जाधव,राजेश गवळी,सुरेश कोळी,शरद निकम,नाम पवार,संतोष कोरे,विठ्ठल वानकर ,संजय डोके,संभाजी पांढरे,विष्णू जगताप,संदीप काशीद,संतोष जाधव,सुरज काशीद,शेखर कवठेकर, बंटी गवळी,विक्रम पाटील,गुरु खटके,सुनील कदम यांच्यासह भाजपचे पदाधिकारी तसेच कार्यकर्ते मोठ्या संख्येने सहभागी झाले होते.

  ==================

 आमदार विजयकुमार देशमुख यांच्या सहभागाने कार्यकर्त्यांमध्ये कमालीची ऊर्जा  !

==================== 

प्रभाग क्रमांक ६ मधील भाजपचे उमेदवार गणेश वानकर,सुनील खटके,मृण्मयी गवळी व सोनाली गायकवाड यांच्या प्रचाराचा शुभारंभ करताना सोलापूर शहर उत्तर मतदारसंघाचे भाजपचे आमदार विजयकुमार देशमुख यांनी आवर्जून हजेरी लावली होती. तर रविवारी निघालेल्या पदयात्रेमध्ये आवसे वस्ती आमराई येथून आमदार विजयकुमार देशमुख यांनी भाजप उमेदवारांसमवेत सहभाग नोंदविल्यामुळे भाजप कार्यकर्त्यांमध्ये कमालीची ऊर्जा आणि नवचैतन्य निर्माण झाले  आहे. आमदार विजयकुमार देशमुख यांच्या मतदारसंघात प्रभाग ६ चे सर्व उमेदवार निवडणुकीला सामोरे जात असल्यामुळे आमदार देशमुख यांच्या सहभागाने कमालीचा उत्साह आला आहे. आमदार विजयकुमार देशमुख यांच्या माध्यमातून या भागात रस्ते,वीज,ड्रेनेज,पाणीपुरवठा आदींची कोट्यवधी रुपयांची विकासकामे झाली असल्यामुळे भाजप उमेदवार मोठ्या मताधिक्याने निवडून येतील,असा विश्वास यावेळी व्यक्त करण्यात आला. 

====================