अक्कलकोट येथे आयोजित राज्यस्तरीय क्रीडा स्पर्धेला उत्स्फूर्त प्रतिसाद

 अक्कलकोट येथे आयोजित राज्यस्तरीय क्रीडा स्पर्धेला उत्स्फूर्त प्रतिसाद

अक्कलकोट (कटूसत्य वृत्त) : भारताची ग्रामीण परंपरा आणि क्रीडासंस्कृती द्वापारयुगापासून आजवर अविरतपणे सुरू आहे. या पवित्र परंपरेला आधुनिक काळातही चालना देणे ही सर्वांची नैतिक जबाबदारी असल्याचे प्रतिपादन श्री वटवृक्ष स्वामी महाराज देवस्थान समितीचे चेअरमन महेश इंगळे यांनी केले. “खेळाडूंना मदत व प्रोत्साहन देण्यासाठी देवस्थान समिती सदैव तत्पर आहे,” असेही त्यांनी सांगितले.

श्री वटवृक्ष स्वामी महाराज देवस्थान, अक्कलकोट आणि सोलापूर जिल्हा सॉफ्टफुटबॉल, टेनिस व्हॉलीबॉल, पेंटॅक्यू व डॉजबॉल असोसिएशन यांच्या संयुक्त विद्यमाने राजे फत्तेसिंह क्रीडांगणावर मुले व मुलींच्या सब-ज्युनियर व सीनियर गटांसाठी डॉजबॉल, टेनिस व्हॉलीबॉल, पेंटॅक्यू आणि सॉफ्टफुटबॉल या राज्यस्तरीय स्पर्धांचे उद्घाटन महेश इंगळे यांच्या हस्ते करण्यात आले.

या प्रसंगी व्यासपीठावर प्रथमेश इंगळे, सॉफ्टफुटबॉल राष्ट्रीय उपाध्यक्ष वैजिनाथ हत्तुरे, टेनिस व्हॉलीबॉल जिल्हाध्यक्ष कार्तिक चव्हाण, शिवछत्रपती पुरस्कार विजेते व राज्य सचिव एकनाथ साळुंके, राज्य सचिव प्रदीप साखरे, गणेश माळवे, रामेश्वर कोरडे, मकरंद कोराळकर, प्रा. राकेश शिंदे, रवींद्र गुडे** आदी मान्यवर उपस्थित होते.

स्पर्धेचे आयोजन व नियोजन जिल्हा सचिव प्रा. संतोष खंडे, खजिनदार गंगाराम घोडके, उपाध्यक्ष वसीम शेख, इकबाल दलाल, परमेश्वर व्हसुरे, संचालक श्रीधर गायकवाड, रवींद्र चव्हाण, प्रबुद्ध चोलीकर, संतोष पाटील, प्रशांत कदम, सिताराम भांड, सागर जगझाप** यांनी संयुक्तपणे केले आहे.या राज्यस्तरीय स्पर्धेमुळे स्थानिक खेळाडूंना नवे व्यासपीठ मिळून त्यांची प्रतिभा विकसित होण्यास निश्चितच चालना मिळणार आहे.