आईच्या खुनाचा प्रयत्न आरोपीस जामीन मंजूर
सोलापूर(कटूसत्य वृत्त):-आईच्या खुनाचा केल्याप्रकरणी अटक केलेला प्रयत्न आरोपी प्रदीप ऊर्फ बबलू शिंदे यांस जिल्हा व सत्र न्यायालयाने जामीन मंजूर केला. आरोपीने स्वतःच्या आईला जीवे ठार मारण्याच्या उद्देशाने शेतातील विहिरीजवळ बोलावून शिवीगाळ करून व हाताने, लाथाबुक्क्यांनी मारहाण करून तुला आज जिवंत ठेवत नाही.असे म्हणून ठार मारण्याच्या उद्देशाने विहिरीत ढकलून दिले. त्यावेळी तिने सकाळी ७:३० ते सायंकाळी ४ पर्यंत शेतातील विहिरीत मदतीसाठी वाट पाहिली होती. आरोपी हा घरातील शेतीच्या कारणावरून व शेतातील उत्पन्नाच्या पैशासाठी नेहमी आईसोबत व परिवारासोबत भांडण करीत असत. फिर्यादीस उपचाराकरिता सोलापूर जिल्हा रुग्णालय दाखल करण्यात आले होते. याप्रकरणी आरोपीविरुध्द मोहोळ पोलिसात गुन्हा दाखल झाला होता. पोलिसांनी आरोपीला अटक केली होती. आरोपीचा जामीन अर्ज जिल्हा व सत्र न्यायालयात दाखल केला होता. न्यायालयाने आरोपीचा जामीन अर्ज मंजूर केला. यात आरोपीतर्फे अँड. कदीर औगे. अॅड. इमरान पाटील, अँड मनोज गावडे. अॅड. दत्तात्रय कापरे व अँड सोहेल रामपूर यानी काम पाहिले.