दक्षिण विधानसभा मतदार संघातील रस्ते, पुलासाठी अर्थसंकल्पात 75 कोटींचा निधी - आमदार सुभाष देशमुख यांची माहिती

दक्षिण विधानसभा मतदार संघातील रस्ते, पुलासाठी अर्थसंकल्पात 75 कोटींचा निधी - आमदार  सुभाष देशमुख यांची माहिती

          सोलापूर (कटूसत्य): दक्षिण तालुका  विधानसभा क्षेत्रासाठीच्या 22 अत्यावश्यक रस्त्यांच्या सुधारणा आणि 4 पुलांच्या बांधणीसाठी अर्थसंकल्पात 75 कोटी निधी तरतूद झाल्याची माहिती  आमदार सुभाष देशमुख यांनी दिली आहे.

          दक्षिण विधानसभा क्षेत्रातील रस्ते खराब झाले होते. याबाबत नागरिकांनी आ. देशमुख यांच्याकडे तक्रार केली होती. आ. देशमुख यांनी  यावेळच्या अर्थसंकल्पात अनेक रस्त्याच्या सुधारणेची कामे मार्गी लावण्यासाठी  पाठपुरावा करून एकूण ग्रामीण भागातील महत्वाच्या 22 रस्त्यांसाठी आणि 4 पूल बांधणीसाठी  निधीची तरतूद करत 75 कोटी एवढा मोठा निधी मिळवला आहे. हा निधी दिल्याबद्दल आ. देशमुख यांनी मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांचे आभार मानले आहेत.

          मंजूर कामे रक्कम रुपये पुढीलप्रमाणेः राजूर येथे सिना नदीवर पूल बांधणे 9 कोटी, माळकवठे - लवंगी व तेलगाव- कुसुर रस्ता सुधारणा करणे 7 कोटी, मंद्रूप-कुरघोेट सुधारणा रस्ता सुधारणा करणे 7 कोटी, सादेपूर-निंबर्गी रस्ता सुधारणा करणे 5 कोटी,  गावडेवाडी-वांगी रस्ता सुधारणा करणे 5 कोटी, औराद- बरूर रस्ता सुधारणा करणे 3 कोटी,  माळकवठे- औज मंद्रूप रस्ता सुधारणा करणे 3 कोटी, सोलापूर- होटगी-इंगळगी रस्ता सुधारणा करणे 3 कोटी, कुरघोट गावाजवळ भूसंपादनासह पुलाचे बांधकाम करणे 3 कोटी, टाकळी कुरकोट माळकवठा रस्ता सुधारणा करणे 2.5 कोटी,सिंदखेड-हत्तूर रस्त्यावरील पुलाचे बांधकाम 2.5 कोटी, मद्रे-सिंदखेड रस्त्यावरील पुलाचे बांधकाम 2.5 कोटी, विंचूर-भंडारकवठे रस्ता सुधारणा करणे 2.5 कोटी,  शिवणी-हिरज रस्ता सुधारणा करणे 2 कोटी, अकोले मंद्रूप-कंदलगाव रस्ता सुधारणा करणे 2 कोटी,  तिर्‍हे कवठे रस्ता सुधारणा करणे 2 कोटी, तिलाटी गेट- इंगळगी-शिरवळ रस्ता सुधारणा करणे  2 कोटी, बोळकवठे-नांदणी रस्ता सुधारणा करणे 1.5 कोटी, मद्रे-कुमठे रस्ता सुधारणा करणे 1.5 कोटी, वांगी-वडकबाळ रस्ता सुधारणा करणे 1.5 कोटी, अंत्रोळी ते गुंजगाव रस्ता सुधारणा करणे 1.5 कोटी, नंदूर-शमशापूर-रा.म. 52 रस्ता सुधारणा करणे 1.5 कोटी,  सावतखेड ते कुमठा रस्ता सुधारणा करणे 1 कोटी,  कणबस-करजगी रस्ता सुधारणा करणे 1 कोटी,  बरूर-हत्तरसंग रस्ता सुधारणा करणे 1 कोटी, बरूर टाकळी- राज्यमहामार्ग 211 सुधारणा करणे 1 कोटी.

दक्षिण मतदारसंघ राज्यात आदर्शवत करणार

          दक्षिण तालुक्यातील गावे, वाड्या, वस्त्या, तांडे यांच्या विकासाकरिता आपण कायम कटिबद्ध असणार आहे. दक्षिण मतदारसंघ राज्यात आदर्शवत करण्याचा प्रयत्न राहणार आहे. यासाठी केंद्र आणि राज्याच्या विविध योजनांद्वारे तालुक्यात निधी आणून विकास कामे केली जातील, असे आ. सुभाष देशमुख यांनी सांगितले.