सांगोला नगरपरिषदेमार्फत आयोजित "वसुंधराफेस्ट" ला नागरिकांचा उत्स्फूर्त प्रतिसाद
माझी वसुंधरा अभियानाअंतर्गत पर्यावरणपूरक गोष्टींच्या प्रदर्शनातून नागरिकांची जनजागृती
सांगोला (कटूसत्य वृत्त):- महाराष्ट्र शासनाच्या पर्यावरण व वातावरण बदल विभागामार्फत 2 ऑक्टोबर 2020 पासून राज्यभरात माझी वसुंधरा अभियान 2.0 राबविले जात आहे. हे अभियान पृथ्वी, वायू, जल, अग्नी आणि आकाश या पंचतत्वाचा वर आधारित असून पर्यावरणाचे रक्षण व संवर्धन करणे हा या अभियानाचा प्रमुख उद्देश आहे. मा. जिल्हाधिकारी मिलिंद शंभरकर यांच्या मार्गदर्शनाखाली सांगोले नगरपरिषदे मार्फत माझी वसुंधरा अभियानाची शहरात प्रभावी अंमलबजावणी सुरू आहे. या अभियानाच्या माध्यमातून शहरात ओल्या कचऱ्यापासून खत निर्मिती करणे, वृक्षारोपण करणे, वीज व पाण्याचे काटकसरीने बचत करणे याबाबतची जनजागृती तसेच सायकल व विजेवर चालणाऱ्या वाहनांचा वापर करणेसाठी प्रोत्साहित करणे, सौर ऊर्जा बाबत जनजागृती करणे इत्यादी उपक्रम नगरपरिषदे मार्फत शहरात मोठ्या प्रमाणावर राबविण्यात येत आहेत. याचाच एक भाग म्हणून सांगोला नगरपरिषदे मार्फत *"वसुंधरा फेस्ट"* अर्थात पर्यावरण पूरक गोष्टींचे प्रदर्शन दिनांक 25 व 26 डिसेंबर वार शनिवार व रविवार रोजी भरविण्यात आल्याची माहिती मुख्याधिकारी श्री. कैलास केंद्रे यांनी दिली.
या प्रदर्शनामध्ये इलेक्ट्रिकल टू व्हीलर, सोलर सिस्टिम, एलईडी बल्ब, विविध प्रकारचे देशी व विदेशी रोपे, गांडूळ खत,सेंद्रिय भाजीपाला,कापडी पिशव्या,टाकाऊ पासून टिकाऊ वस्तू व बचत गटांच्या महिलांचे विविध खाद्यपदार्थ ची दुकाने असे साधारण 20 स्टॉल लागले होते. या प्रदर्शनाच्या माध्यमातून सांगोला शहरातील नागरिकांमध्ये पर्यावरण संवर्धनाप्रती जनजागृती करणे व महिला बचत गटांच्या व्यवसायास बाजारपेठ उपलब्ध करून देणे हा महत्वाचा उद्देश होता.
या वसुंधराफेस्ट च उदघाटन नगराध्यक्षा सौ.राणिताई माने यांनी केले.यावेळी नगरसेविका स्वाती मगर,नगरसेवक सुरज दादा बनसोडे,अध्यक्ष, मुख्याधिकारी कैलास केंद्रे यांनी आपली मनोगते व्यक्त केली.यावेळी सचिन लोखंडे,जुबेर मुजावर,अस्मिर तांबोळी,रफिक तांबोळी,अप्सराताई ठोकळे,छाया ताई मेटकरी,शोभा काकी घोंगडे,आनंद काका घोंगडे,अनुराधा खडतरे,दादा खडतरे इत्यादी मान्यवरांनी उपस्थित राहून प्रदर्शनात सहभागी स्टॉल धारकांचा उत्साह वाढविला.सदर कार्यक्रमाचे सुत्रसंचालन कार्यालयीन अधीक्षक अभिलाषा निंबाळकर यांनी तर समारोप योगेश गंगाधरे यांनी केला.हे प्रदर्शन यशस्वी करण्यासाठी मुख्याधिकारी कैलास केंद्रे यांच्या मार्गदर्शनाखाली अभिलाषा निंबाळकर, योगेश गंगाधरे,शिवाजी सांगळे, नयन लोखंडे,विजय कन्हेरे,स्वप्नील हाके,तृप्ती रसाळ,तुकाराम माने,विनोद सर्वगौड, अमित कोरे,राहुल खडतरे या सर्व टीम ने मेहनत घेतली.
शहरातील नागरिकांनी याच पद्धतीने येरवी देखील महिला बचत गटांच्या वस्तूंना भरभरून प्रतिसास दिला पाहिजे.तसेच वीजेवरील वाहने खरेदी करून,घरच्या घरी ओल्या कचऱ्या पासून खत निर्मिती करून,वीज,पाण्याचा काटकसरीने वापर करून पर्यावरण संवर्धनात योगदान दिले पाहिजे.
- सौ.राणीताई माने नगराध्यक्षा, नगरपरिषद सांगोला
दिवसांच्या प्रदर्शनात 5 ई बाईक ची झालेली विक्री व बचत गटांच्या महिलांच्या सर्वच खाद्यपदार्थांना सांगोलकरांचा मिळालेला उत्स्फूर्त प्रतिसाद पाहून या वसुंधरा फेस्ट च्या आयोजनाचा मूळ हेतू काही प्रमाणात तरी साध्य झाल्याचं समाधान आहे.यातून पर्यावरण संवर्धनाचा एक चांगला संदेश शहरातील नागरिकांपर्यंत पोहचेल.
कैलास केंद्रे,मुख्याधिकारी,सांगोला नगरपरिषद
