महात्मा फुले शिक्षण शास्त्र महाविद्यालयाचा व्दितीय वर्षाचा शुभेच्छा समारंभ संपन्न

 महात्मा फुले शिक्षण शास्त्र महाविद्यालयाचा व्दितीय वर्षाचा शुभेच्छा समारंभ संपन्न

अकलूज (कटूसत्य वृत्त):- अकलूज येथील महात्मा फुले शिक्षण शास्त्र महाविद्यालयात बी एड् व्दितीय वर्षाचा शुभेच्छा समारंभ घेण्यात आला.या कार्यक्रमासाठी प्रमुख पाहुणे म्हणून  शिक्षण प्रसारक मंडळाचे संचालक रामचंद्र गायकवाड व उत्कर्ष शेटे होते.या कार्यक्रमाची सुरुवात सहकार महर्षी शंकरराव मोहिते-पाटील व आक्कासाहेब यांच्या प्रतिमेचे पूजन प्रमुख पाहुण्यांच्या शुभहस्ते करण्यात आले.

             प्रास्ताविक प्रा.ए.एम.तोरणे सर यांनी महाविद्यालयाची व संस्थेची माहिती विद्यार्थांना सांगितले तर सर्व विद्यार्थांचा मान्यवरांचे हस्ते गुलाब पुष्प देऊन शुभेच्छा देण्यात आल्या.या कार्यक्रमात निहाल गिरमे,कोमल गायकवाड,दिग्विजय गुरव,आरती गोसावी व प्रा.एम.बी.देवकर यांनी मनोगत व्यक्त केली.प्रमुख पाहुणे उत्कर्ष शेटे यांनी आपले विचार व्यक्त करताना सांगितले की,भविष्यात शिक्षक म्हणून जात असताना आपले अध्यापनाचे चांगले करावे व शिक्षणातून भारताची भावी पिढी आदर्श घडवावी असे आवाहन केले.प्रा.यु.डी हेगडे मॅडम यांनी प्रतिज्ञा वाचन केले.प्राचार्या डाॅ.जयश्री धुमाळ यांनी विद्यार्थ्यांना भावी आयुष्यात शुभेच्छा दिल्या व महाविद्यालयात मिळालेल्या संस्काराचा वापर आयुष्यभर आपल्या जीवनात करावा व निष्ठेने व प्रामाणिक कार्य करावे.

          या कार्यक्रमाचे सुत्रसंचलन कु.प्रतिक्षा कौलगे व कु.मधुरा देशमुख यांनी केले तर आभार प्रदर्शन श्रध्दा जाधव यांनी मानले.मिष्ट भोजनाने कार्यक्रमाची सांगता झाली.