श्री शावरसिद्ध मंदिर बांधकामासाठी रामप्पा चिवडशेट्टी यांची रु. 51 हजारांची देणगी

सोलापूर (कटूसत्य वृत्त):- आचेगाव येथील प्राचीन श्री शावरसिद्ध मंदिराच्या बांधकामासाठी स्थानिक भक्त, नागरिक आणि समाजबांधवांचे सहकार्य सातत्याने लाभत असून या पवित्र कार्याला आज आणखी बळ मिळाले आहे. मंदिर उभारणीसाठी श्री रामप्पा सावकार चिवडशेट्टी यांनी रु. 51,000/- इतकी उदार देणगी अर्पण करून सामाजिक बांधिलकीचे उत्तम उदाहरण घातले.

मंदिर समितीच्या वतीने देणगी स्वीकारण्यात आली. समितीने या सहकार्याची मनापासून दखल घेत, बांधकामाच्या पुढील टप्प्यांना ही रक्कम निश्चितच हातभार लावणार असल्याचे सांगितले. धार्मिक आणि सामाजिक अशा दोन्ही अंगांनी महत्त्वपूर्ण असलेल्या या प्रकल्पासाठी मिळणारा प्रत्येक हातभार आणि देणगी ही गावाच्या विकासासाठीही मोलाची ठरणार असल्याचेही समितीने नमूद केले.

देणगी स्वीकार प्रसंगी अनेक मान्यवर उपस्थित होते. त्यात भाजपा युवा मोर्चा जिल्हाध्यक्ष महेश बिराजदार, इंद्रजीत लांडगे, शावरसिद्ध जळगोडर, दत्तात्रय पाटील, सौ. विश्रांती पाटील (सरपंच), रफिक मुल्ला (उपसरपंच), शावरसिद्ध पाटील, मेहबूब पटेल, चंदू शिलेणी, रायपा पुजारी, अशोक पाटील, कुलदीप पाटील, गेनसिद्ध चुंगीवडियर, अमोघसिद्ध चुंगीवडियर, बनसिद्ध चुंगीवडियर, मलकारी कांबळे, राहुल शिंदे, दिलीप विधाते, सिलिसिद्ध बहिर्जे, प्रशांत क्षीरसागर, बिलेनी करिवाडीयार, काशण्णा मेलीवाडीयार, गिरीश बाळगे, कुलदीप खताळ या मान्यवरांचा समावेश होता.

या प्रसंगी मंदिर बांधकामासाठी होत असलेल्या उपक्रमांची माहिती उपस्थितांना देण्यात आली. धार्मिक आस्थेने प्रेरित अशा कार्यात सर्व स्तरांतून मिळत असलेले सहकार्य प्रेरणादायी असल्याचे मान्यवरांनी नमूद केले. पुढील काळातही गावातील नागरिकांनी आणि भक्तांनी अशाच प्रकारे सहकार्याची परंपरा कायम ठेवावी, अशी अपेक्षा व्यक्त करण्यात आली.

श्री शावरसिद्ध मंदिराच्या उभारणीसाठी सुरू असलेला हा उपक्रम ग्रामस्थांच्या एकात्मतेचे प्रतीक ठरत असून, देवस्थानाच्या विकासासाठी मिळत असलेला हा ओघ भविष्यातही कायम राहील, अशी भावना समितीने व्यक्त केली.

सोलापूर जिल्हा