सहकार महर्षि साखर कारखान्याचा रु.2,900 प्रमाणे दर व अनुदान जाहीर

 सहकार महर्षि साखर कारखान्याचा रु.2,900 प्रमाणे दर व अनुदान जाहीर

सहकार महर्षि साखर कारखान्याचा रु.2,900 प्रमाणे दर व अनुदान जाहीर

अकलूज (कटूसत्य वृत्त):- सहकार महर्षि शंकरराव मोहिते-पाटील सहकारी साखर कारखान्याचा सिझन 2024-2025 दि.15/11/2024 रोजी सुरू झालेला आहे.

    सदर सिझनमध्ये गाळपास आलेल्या व येणा-या ऊसाकरीता प्रथम ऍ़डव्हान्स रक्कम रु.2,600/- व पोळा सणाकरीता रक्कम रु.100/- तसेच दिपावली सणाकरीता रक्कम रु.200/- प्रमाणे एकुण रक्कम रु.2,900/- प्रति मे.टन ऊस दर देण्यात येणार आहे. तसेच माहे- फेब्रुवारी 2025 पासून पुढे गाळपास येणा-या ऊसाकरीता प्रति मे.टन रक्कम रु.100/- अनुदान जाहीर करणेत येत असून ते दिपावली सणाचे बिलाबरोबर आदा करणेत येणार असलेबाबतची माहिती कारखान्याचे चेअरमन जयसिंह शंकरराव मोहिते-पाटील यांनी दिली. 

कारखान्याचे मार्गदर्शक संचालक व महाराष्ट्र राज्याचे माजी उपमुख्यमंत्री विजयसिंह शंकरराव मोहिते-पाटील यांचे कुशल मार्गदर्शनाखाली व चेअरमन जयसिंह शंकरराव मोहिते-पाटील यांचे नेतृत्वाखाली कारखाना प्रगतीपथावर वाटचाल करीत आहे.

कारखान्याचा सिझन 2024-2025 चा ऊस गळीत हंगाम दिनांक 15/11/2024 रोजी सुरु झाला असून दि.13/12/2024 अखेर 2 लाख 36 हजार 777 मे.टन ऊसाचे गाळप होऊन 2 लाख 10 हजार 950 क्विंटल साखर पोत्याचे उत्पादन झालेले असून सरासरी साखर उतारा 9.49 % आहे. सध्या प्रति दिवस 8,500 मे.टन याप्रमाणे ऊसाचे गाळप होत आहे. 

चालू सिझन 2024-2025 मध्ये को-जन वीज निर्मिती प्रकल्प दिनांक 07/11/2024 रोजी सुरु झाला असून दि.13/12/2024 अखेर 2 कोटी 09 लाख 03 हजार 490 युनीट वीज निर्माण झाली असून त्यामधुन 1 लाख 28 लाख 51 हजार 914 युनिट वीज विक्री केलेली आहे.

तसेच उपपदार्थ प्रकल्प डिस्टीलरीमध्ये दि.13/12/2024 अखेर 33 लाख 90 हजार 432 लिटर्स रेक्टीफाईड स्पिरीट तसेच 30 लाख 64 हजार 926 लिटर्स इथेनॉल उत्पादन झाले असलेची माहिती कारखान्याचे कार्यकारी संचालक राजेंद्र चौगुले यांनी दिली. 

    सदर प्रसंगी कारखान्याचे मार्गदर्शक संचालक विजयसिंह मोहिते-पाटील, माजी उपमुख्यमंत्री, महाराष्ट्र राज्य, व्हाईस चेअरमन शंकरराव माने-देशमुख, संचालिका, स्वरुपाराणी मोहिते-पाटील, तसेच संचालक लक्ष्मण शिंदे, सतीश शेंडगे, नानासाहेब मुंडफणे, विजयकुमार पवार, रावसाहेब मगर, संग्रामसिंह जहागिरदार, रामचंद्र सिद, विराज निंबाळकर, रावसाहेब पराडे, महादेव क्षिरसागर, भिमराव काळे, अमरदिप काळकुटे, गोविंद पवार, सुभाष कटके, जयदिप एकतपुरे, रामचंद्र ठवरे, तज्ञ संचालक,  प्रकाशराव पाटील, रामचंद्रराव सावंत-पाटील, संचालिका सुजाता शिंदे, कार्यलक्षी संचालक - रणजित रणनवरे व शिवसृष्टी किल्ला व शिवछत्रपती मल्टिमेडीया लेजर शो कमिटी संचालक - पांडूरंग एकतपुरे, बाळासाहेब माने-देशमुख, कालीदास मिसाळ, दत्तात्रय चव्हाण, विनायक केचे, राजेंद्र भोसले, अमृतराज माने-देशमुख, धनंजय सावंत, नामदेव चव्हाण, धनंजय दुपडे, अनिलराव कोकाटे, श्रीकांत बोडके, सौ.हर्षाली निंबाळकर, श्रीमती पुष्पा महाडीक उपस्थित होते.