पुरस्कार प्रेरणा देतात, प्रेरणेने राष्ट्र शक्तीशाली व बलवान होते ! - संमेलनाध्यक्ष डाॅ.कौशिक गायकवाड यांचे प्रतिपादन

 पुरस्कार प्रेरणा देतात, प्रेरणेने राष्ट्र शक्तीशाली व बलवान होते !

 संमेलनाध्यक्ष डाॅ.कौशिक गायकवाड यांचे प्रतिपादन

रेडियंट टॅलेंट बुक ऑफ रेकॉर्डचा राष्ट्रीय पुरस्कार सोहळा पुणे येथे संपन्न

पूणे (कटूसत्यवृत्त):-उन्नत व विकसित भारताचा पाया रचणाऱ्या, आपल्या मूल्याधिष्ठित कलोपासक कर्तृत्वाने, समर्पित साधनेतून स्वतःचे वेगळेपण सिद्ध करीत देशाचे नाव जागतिक मंचावर गौरविणाऱ्या भारत देशातील गुणवंत, प्रतिभावंत व्यक्तींना पुरस्कृत कारण्याचे अद्भुत कार्य रेडियंट टॅलेंट बुक ऑफ रेकॉर्डने केले. अशा पुरस्कारांच्या माध्यमातून प्रेरणा मिळते व प्रेरणेने राष्ट्र शक्तीशाली व बलवान होते असे प्रतिपादन संमेलनाध्यक्ष डॉ.कौशिक गायकवाड यांनी केले.

राष्ट्रीय व आंतरराष्ट्रीय स्तरावर प्रतिभा, गुणवत्ता, सेवाभाव, कर्तृत्व व बुद्धिमत्तेमुळे असामान्य कार्य करणाऱ्या मुलांना, महिला-पुरुष व्यक्ती आणि संस्थांना कार्यप्रवण करण्यासाठी प्रेरणा व प्रोत्साहन देवून गौरविण्यासाठी रेडियंट टॅलेंट बुक ऑफ रेकॉर्ड्सच्या वतीने आयोजित केलेल्या राष्ट्रीय उत्कृष्ट परिषदेत डाॅ.कौशिक गायकवाड बोलत होते. 

या कार्यक्रमासाठी राजामाता जिजाऊ यांच्या घराण्याचे वंशज  शिवाजी राजे जाधव, तंजावर घराण्याचे वंशज  विजयसिंह राजे भोसले, जम्मूच्या राणी डॉ.सुहासिनी, पद्मश्री पुरस्कार विजेता डॉ.विजयकुमार शहा, संमेलनाध्यक्ष डॉ.कौशिक गायकवाड, आंतरराष्ट्रीय ख्यातीचे लेखक आणि वर्ल्ड सेव्हन वंडर्स पब्लिकेशन रेडियंट टॅलेंट बुक ऑफ रेकॉर्ड्सचे संस्थापक, मुख्य संपादक, जगप्रसिद्ध निसर्गोपचारतज्ज्ञ डॉ.क्रांती महाजन, स्वागताध्यक्ष संतोष बारणे, भारत सरकारच्या G-20 चे डायरेक्टर तथा रूडकी, आयआयटीचे रजिस्ट्रार संजीव जैन्थ, भारत सरकारच्या एनवायकेएसचे मेघालय, मणिपूर, नागालँड चे संचालक अतुल निकम, गोवा व महाराष्ट्र राज्याचे संचालक यशवंत मानखेडकर, कॅनडाचे निसर्गोपचार तज्ज्ञ डॉ. गुरतेज सिंग ब्रार, सीआयडी ऑफिसर आरिफा मुल्ला, समाजसेवक यशवंत कुर्वे, चीफ एडज्यूकेटर ज्युरी डॉ. एस. देवेंद्र आदी मान्यवर विचारपीठावर उपस्थित होते.

                   जे कार्य उत्तम, उदात्त व उन्नत आहे, त्याची दखल घेवून त्या कार्यामागील राष्ट्रधर्मासाठी तत्पर कार्यवीरांची नोंद करणे व त्यांना गौरवान्वित करणे हे कार्य रेडियंट टॅलेंट बुक ऑफ रेकॉर्ड्स (आरटीबीआर) द्वारे अखिल भारतीय प्रतिभा प्रेरणा महासंमेलनांच्या माध्यमातून सातत्याने केल्या जात आहे. सन 2030 पर्यंत आंतरराष्ट्रीय मार्गदर्शित शाश्वत विकास उद्दिष्टांची संकल्पसिद्धी करण्याची वचनबद्धता आणि "विकसित भारत" या संकल्पनेचे तत्त्वनिष्ठ पालन हे रेडियंट टॅलेंट बुक ऑफ रेकॉर्ड्स (आरटीबीआर) चे मार्गदर्शक तत्व आहे .

                     भारत सरकारच्या एमएसएमई मंत्रालय आणि मिनिस्ट्री ऑफ कॉर्पोरेट अफेयर्स अंतर्गत नोंदणीकृत वर्ल्ड सेव्हन वंडर्स पब्लिकेशन द्वारे संचालित रेडियंट टॅलेंट बुक ऑफ रेकॉर्ड्स (आरटीबीआर) हे रेकॉर्ड संपादन भारत सरकारच्या इंटरनॅशनल सिरीज बुक नंबर (आयएसबीएन/ISBN) अंतर्गत प्रकाशित केले जाते. भारत आणि आशियाई देशांत आयोजित विविध समारोहांच्या माध्यमातून आरटीबीआर हे कीर्तिमान व अलंकरण बहाल केले जातात.

                      वस्तुतः विश्वशांती, राष्ट्रीय सुरक्षा, जलसंस्कृती संवर्धन, आजीवन अध्यापन, राष्ट्रीय एकात्मता, सहिष्णुता, आंतरराष्ट्रीय सौहार्द, महिला सक्षमीकरण, आरोग्यसेवा, व्यसनमुक्ती, योगा - निसर्गोपचार, सायबर सुरक्षा, मैत्रीभाव, सैनिक कल्याण, कला-संस्कृती-क्रीडा-साहित्य संवर्धन, न्यायशास्त्र व मूल्य, नि:ष्पक्ष पत्रकारिता, उन्नत भारत व विकसित भारत या शाश्वत विकास उद्दिष्टांच्या संकल्पसिद्धीकरीता रेडियंट टॅलेंट बुक ऑफ रेकॉर्ड्स (आरटीबीआर) ही एकमेव स्वायत्त संस्था अखिल भारतीय प्रतिभा प्रेरणा महासंमेलनांचे अत्यंत प्रभावीपणे जागतिक मंचावर आयोजन करणारी क्रियाशील संस्था आहे. त्यामुळेच आजवर भारत देशाचे राष्ट्रपती-उपराष्ट्रपती यांसह देशातील विविध  राज्यपाल, रेमेन मॅगसेसे विजेता, भारत सरकारचे पद्मश्री - पद्मविभूषण विजेते , विविध देशांचे राजदूत, कुलगुरू, भारतीय लष्कर आणि हवाई दलाचे अधिकारी, पोलीस विभाग, आयएएस व आयपीएस अधिकारी, साहित्यिक, सीने अभिनेते,  नामवंत खेळाडू, उद्योगपती आणि गणमान्य व्यक्तींनी रेडियंट टॅलेंट बुक ऑफ रेकॉर्ड्स ( आरटीबीआर ) च्या आजवरच्या उपक्रमांना  गौरविले आहे. अलिकडेच भारत सरकारने G-20 सचिवालयाच्या संचालक स्तरावर आणि भारताच्या राज्यपालांनी रेडियंट टॅलेंट बुक ऑफ रेकॉर्ड्स (आरटीबीआर) चा सन्मान केला आहे. महत्वाचे म्हणजे वर्ल्ड सेव्हन वंडर्स पब्लिकेशन च्या माध्यमातून आंतरराष्ट्रीय विक्रमही प्रस्थापित झाले आहेत. यामुळेच प्रेरणा व प्रोत्साहन देणाऱ्या विक्रम-मानांकन जगतातील अत्युच्च गुणवत्ता जोपासून उदात्त उद्दिष्टांच्या पूर्ततेकरीता प्रतिबद्ध असणाऱ्या रेडियंट टॅलेंट बुक ऑफ रेकॉर्ड्स (आरटीबीआर) मध्ये भारत देशासह संपूर्ण आशिया खंडातील इच्छुकगण त्यांची असामान्य प्रतिभा, कौशल्य, कार्य, प्राविण्य आणि बुद्धिमत्ता सादर करून नोंदणीसाठी पुरस्कारार्थ अर्ज सादर करतात.

                      भारत देशातील विविध क्षेत्रात आपल्या कर्तृत्वाचा ठसा उमटविणाऱ्या प्रतिभाशाली कार्यवीरांना "सतरावे अखिल भारतीय प्रतिभा प्रेरणा महासंमेलना" च्या पार्श्वभूमीवर "आयकॉन ऑफ नेशन" या राष्ट्रीय पुरस्काराने गौरविल्या गेले. तसेच अंगभूत अद्भुत बुद्धिमत्ता व प्रतिभा धारण करून विविध क्षेत्रात गुणवत्ता व प्रविण्य सिद्ध केल्याबद्दल निवडपात्र पुरस्कारार्थी यांना रेडियंट टॅलेंट बुक ऑफ रेकॉर्ड्स (आरटीबीआर) मध्ये समाविष्ठ करीत आंतरराष्ट्रीय कीर्तिमान प्रमाणपत्र, स्मृतीचिन्ह, गोल्ड-मेडल आणि मेम्बरशिप बहाल करून गौरविण्यात आले. महत्वाचे म्हणजे याप्रसंगी चीफ एडिटर डॉ. क्रांती महाजन यांनी लिहिलेल्या अभ्यासपूर्ण पुस्तक "रयतेचा राजा" , "सुभाष सिक्रेट" या पुस्तकांचे व भारतीय स्वातंत्र्याच्या अमृतमहोत्सवी वर्षानिमित्त उत्तराखंड राज्याचे विद्यमान महामहिम राज्यपाल लेफ्टनंट जनरल गुरमित सिंगजी यांच्या जीवनावरील "महामहिम राष्ट्रपुरुष" या पुस्तकाचे देखील प्रकाशन करण्यात आले. तसेच यानिमित्ताने रेडियंट टॅलेंट बुक ऑफ रेकॉर्ड च्या जगप्रसिद्ध ब्रँड एम्बासिडर असणाऱ्या विद्या गारे, रुपाली पवार, सेजल पाटील, डॉ. रुपाली वशिष्ठ, डॉ.साक्षी पाल यांचा विशेष सन्मान करण्यात आला व जम्मू राजघराण्याच्या वंशज राणी डॉ. सुहासिनी यांना समारंभपूर्वक ब्रँड एम्बासिडर म्हणून नियुक्त करण्यात आले.        

         देशाच्या सर्व राज्यातून आलेल्या प्रतिभावंतांच्या एकत्रीकरणातून संपन्न अशाच भविष्यातील उपक्रमांमध्ये सहभागी होण्याचे आवाहन रेडियंट टॅलेंट बुक ऑफ रेकॉर्ड च्या माध्यमातून याप्रसंगी करण्यात आले. त्याकरीताच प्रेरणा व प्रोत्साहन देण्यासाठी सैधान्तिक पातळीचा तत्वशील दर्जा जोपासणाऱ्या "रेडियंट टॅलेंट बुक ऑफ रेकॉर्ड (आरटीबीआर) मध्ये आपल्या कार्य, प्रतिभा व अनन्यत्वाची नोंद करण्यासाठी भारत देशातील इच्छुकांनी www.radianttalentbookofrecord.com या संकेतस्थळावर व मोबाईल क्रमांक +91 86004 98778 यावर संपर्क साधावा, असे कळविण्यात आले आहे.