राष्ट्रवादी अल्पसंख्याक विभागाकडून पोलीस कर्मचाऱ्यांना फळे व पाणी बॉटल वाटप

कोरोनाचा प्रसार रोखण्यासाठी पोलीस प्रशासन अहोरात्र परिश्रम घेत आहेत.अशा पोलीस कर्मचाऱ्यांच्या कर्तव्यनिष्ठेचे आभार व्यक्त करण्याच्या हेतूने व युवक नेते भगीरथ भालके यांच्या वाढदिवसाचे औचित्य साधत पंढरपूर शहर राष्ट्रवादी अल्पसंख्याक सेलचे वतीने उपविभागीय पोलीस अधिकारी डॉ.सागर कवडे यांच्या हस्ते सोशल डिस्टन्सचे पालन करीत पोलीस कर्मचाऱ्यांना फळॆ व पाणी बॉटलचे वाटप करण्यात आले.

यावेळी अधिक माहिती देताना राष्ट्रवादी अल्पसंख्यांन्क सेलचे शहराध्यक्ष नासिर बागवान म्हणाले कि कोरोनाचा प्रसार रोखण्यासाठी २३ मार्च पासून संचार बंदीचा अमल सुरु आहे. याकाळात राष्ट्रवादी कॉग्रेस आल्प्ससंख्यांक सेलचे वतीने अन्नदान व इतरही विविध उपक्रम राबविण्यात आले.आज पोलीस कर्मचाऱ्यांचे आभार मानण्याच्या हेतूने हा उपक्रम राबविण्यात आला आहे. यावेळी रौफ बागवान,दिलावर बागवान, बशीर बागवान हे उपस्थित होते.