शिवरत्न नॉलेज सिटी येथे भव्य रक्तदान शिबीर १२१ रक्तदात्यांनी बजावला रक्तदानाचा हक्क

शिवरत्न नॉलेज सिटी येथे भव्य रक्तदान शिबीर  १२१ रक्तदात्यांनी बजावला रक्तदानाचा हक्क 

अकलूज (प्रतिनिधी)दि २९ शिवरत्न शिक्षण संस्था आयोजित सहकार महर्षि शंकरराव मोहिते-पाटील यांच्या 102 व्या जयंतीचे औचित्य साधून भव्य रक्तदान शिबीराचे आयोजन करण्यात आले होते. यामध्ये 121 रक्तदात्यांनी आपला रक्तदानाचा हक्क बजावला. या शिबीराचे उद्घाटन संस्थेचे अध्यक्ष धैर्यशील मोहिते-पाटील व उपाध्यक्षा शितलदेवी मोहिते-पाटील यांचे हस्ते झाले. यावेळी सहकार महर्षि शंकरराव मोहिते-पाटील ब्लॅड बँकेचे वतीने डॉ. संतोष दोशी, डॉ. संतोष खडतरे, डॉ. अजित गांधी, डॉ. राजेंश चंकेश्‍वरा उपस्थित होते. तसेच ब्लड बँकेचा सर्व स्टाफ, शिवरत्न संस्थेचे सेक्रेटरी शिंदे सर व इतर मान्यवर उपस्थित होते. यावेळी १२१ रक्तदात्यांनी रक्तदान केले. आधी केले मग सांगितले… या उक्तीप्रमाणे या रक्तदान शिबीराचे उद्घाटन झाल्यावर स्वतः धैर्यशील मोहिते-पाटील व शितलदेवी मोहिते-पाटील या उभयंतांनी रक्तदान करुन या शिबीराची सुरुवात केली.