'मोदी सरकारने तरुणांना नोकरी तर शेतकऱ्यांना हमी दिली का? ते जनतेला कर्जात बुडवत आहे का ?'

 'मोदी सरकारने तरुणांना नोकरी तर शेतकऱ्यांना हमी दिली का? ते जनतेला कर्जात बुडवत आहे का ?'

 दिल्ली (वृत्तसेवा):- लोकसभा निवडणुकीच्या 2024 च्या मतदानाची तारीख जसजशी जवळ येत आहे, तसतसे नेत्यांनी आरोप प्रत्यारोप करण्यास सुरुवात केली आहे. अशात काँग्रेसच्या सरचिटणीस प्रियांका गांधी वाड्रा यांनी भारतीय जनता पक्षावर (भाजप) निशाणा साधत अनेक प्रश्न विचारले आहे. काँग्रेस नेत्या प्रियंका गांधी यांनी सोशल मीडिया प्लॅटफॉर्मवर पोस्ट केली असून या पोस्टमध्ये त्यांनी देशातील गरीब जनतेला मोदी सरकार कर्जबाजारी करत असल्याचा आरोप त्यांनी लगावला आहे.

नेमकं काय म्हणाल्या प्रियांका गांधी ?

‘देश स्वतंत्र झाला तेव्हापासून ते 2014 या 67 वर्षात देशाचे एकूण कर्ज 55 लाख कोटी रुपये होते, गेल्या 10 वर्षात एकट्या मोदी सरकारने ते 205 लाख कोटी रुपये केले. मोदी सरकार गेल्या 10 वर्षात सुमारे 150 लाख कोटी रुपयांचे कर्ज घेतले. आज देशाचे कर्ज रुपये आहे. प्रत्येक नागरिकाचे सरासरी कर्ज सुमारे 1.5 लाख रुपये आहे. हा पैसा राष्ट्र उभारणीसाठी कसा वापरला जातो?

‘नोकऱ्या गायब झाल्या’

“नोकऱ्या मोठ्या प्रमाणावर निर्माण झाल्या की प्रत्यक्षात नोकऱ्या गायब झाल्या? शेतकऱ्यांचे उत्पन्न दुप्पट झाले का? शाळा आणि रुग्णालये चमकली का? सार्वजनिक क्षेत्र मजबूत झाले की कमकुवत झाले? मोठे- मोठे कारखाने आणि उद्योग उभारले गेले का?” असा सर्व मुद्यांवरून गांधी यांनी मोदी सरकारच्या कारभारावर प्रश्न उपस्थित केले आहे.

त्या पुढे म्हणाल्या, “जर असे झाले नाही, जर अर्थव्यवस्थेची मुख्य क्षेत्रे बिघडली असतील, जर श्रमशक्ती कमी झाली असेल, जर छोटे आणि मध्यम उद्योग उद्ध्वस्त झाले असतील – तर हा पैसा गेला कुठे? त्यावर कोणाचा काय खर्च झाला? त्यात किती पैसे लिहून दिले गेले? बड्या अब्जाधीशांच्या कर्जमाफीवर किती पैसे खर्च झाले? भाजप सरकार जनतेला कर्जात का बुडवत आहे? असाही प्रश्न त्यांनी उपस्थित केला आहे.